Wednesday, May 28, 2014

ජීවිතය නම් නුඹම විය..















"මා සදට කැමති බව දැනගෙන
ඔබ සද අයින් කලා අහසින්
මා මලට කැමති බව දැනගෙන
ඔබ මල අයින් කලා නටුවෙන්..."

වරක් දෙවරක් නොව ......... කිහිප වරක්ම මා එය ඇසීමි.

හදවතට දැනෙන්නේ දුකක්ද, කෝපයක්ද යන්න මට නොහැගේ.
ගෙවී යන සෑම තප්පරයක්ම කල්ප කාලයක් සේ මට දැනේ.
ඒ හැම මොහොතකම දෙසවන් තුල දෝ0කාර දෙන නුබේ හඩ, දෑස් ඉදිරිපිට මැවෙන නුබේ රුව හදවතට රිදුම් දෙන තරම්....

______________________________________________________

"ඔයාට අහන්න දෙන්න ලස්සන සින්දුවක් තියනව"

"ඒ මොකක්ද"

"අහන්නකො ඉතින්"

"දැන් වෙලා නෑ අනේ"

"හරි ඉතින්, කොහොමත් දැන් අහන්න එපා, බ්ලුටූත් ඔන් කරන්නකො."

"හ්ම්ම්, ඔන්න දැන් හරි,  එවන්න"

"හැබැයි ඔන්න දැන් අහන්න බෑ හොදේ. ගෙදර ගිහින් අහලා මට හෙට කියන්න."

"අනේ ඔයාගෙත් මල කෝල0. මට පරක්කුයි. මන් යනව."

"වෙනදටත් මාත් එක්ක පරක්කු වෙලානෙ යන්නෙ ඔයා. මොකද මේ වෙලා තියෙන්නෙ."

"ඔයත් දැන් විකාර කියවනවද  අපෙ අම්ම වගෙ"

"නැන්දට මුකුත් කියන්න එපා චූටි"
_________________________________________________

"මොකද චූටි අද පරක්කු උනේ."

"අයියෝ අම්මි අර මල වදේ මට සින්දු වගයක් දෙන්න ගිහින් පරක්කු උනේ. කෝ තාත්ති ආවද"

"හ්ම්ම් ඔය ඉන්නෙ"

"චූටි"

"ඇයි අම්මි"

"මල වදේ කිව්වෙ දෙනෙත්ටද"

"නැතුව ඉතින්"

"මුල අමතක කරන්න එපා චූටි"

"හරි හරි, එයාට මොනා හරි කිව්වම අම්මිට හරියට කේන්ති යනවනෙ. එයත් එකයි, ඔයත් එකයි."

"යනව නෙවි, එනව. තාත්තත් එකයි, දුවත් එකයි."

_______________________________________________

"චූටි සින්දුව ඇහුවද"

"තාම නෑ. දැනුයි ෆෝන් එක අතට ගත්තෙ. මන් අහන්නම්කො."

"හ්ම්ම්"

"මල වදේ"

"නින්ද නැතුවම මැව්ව සිහිනෙට
ආ ඒ දෙව්ලිය ඔබම නොවෙද මට..."

මේ මොන මල විකාරයක්ද. මට වෙන වැඩ නැතුවට මේ කෝල0 අහ අහ ඉන්න.
ඕන දෙව්ලියක් හොයා ගන්න කිව්වනම් හරි.

"චූටි, මොකද මේ තනියෙන් කියවන්නෙ"

"ඔයාගෙ මහ ලොකු පුතාගෙ වැඩ වලට මන් මේ කිව්වෙ."

"මට නිදහසේ කන්න බොන්න අදින්න විදියක් නෑ, කොහෙවත් තනියම යන්න නෑ, ඉස්සර ඉදන් උදව් කරපු ඒවට මාව බිල්ලට ගන්නද දන්නෑ හද....."

"චූටි"

"දෙනෙත් ඔයාට වදයක් නම් තව දුක් දෙන්නෙ නැතුව ඈත් වෙන්න චූටි.
ඔයාලට එපා උනාට ඒ ලමය මට ඕනි.
දන්න දා ඉදන් ඔයාගෙ දුක සැප බැලුවෙ වෙන කවුරු හරිද චූටි."
_________________________________________________

"චූටියො"

"හ්ම්ම්"

"තරහින්ද ඔයා"

"නෑහ්"

"සින්දුව ඇහුවද"

"හ්ම්ම්ම්"

"මොකද හිතුනෙ"

"මොනව හිතෙන්නද අනේ"

"හිතන්න මුකුත්ම නැද්ද චූටි"

 "දෙනෙත් අයියෙ"

"හ්ම්ම්ම්"

"කියන්න දෙයක් තියනව මට."

"කියන්න බබෝ"

"මන් ගැන බලාපොරොත්තු වෙන්න එපා."

"ඇයි ඒ කියල කියනවද මට"

"මන් කෙනෙක්ට ආදරෙයි"

"කවුද ඒ"

"පියුමික"

"අර මෙඩිකල් ෆැකල්ටි එකේ උස ලමයද"

"හ්ම්ම්ම්"

"කමක් නෑ චූටි, මේ පාර දිගේ මන් හැමදාම එනව, ඔයාට හති වැටුන දවසක වෙනද වගේම දුවගෙන ඇවිත් හරී මහන්සියි කියලා මගේ අතේ එල්ලෙන්න චූටි. මන් බලන් ඉන්නව."

- මතු සබැදි -












ආදරණීය හොරකම...




නිසන්සල සැදෑවක
හැගුම්බර දෑස් දෙස
බලා උන්නෙමි මගේ
නෙතු පියන් නොසොල්වා.......
හදවතට කතා කල
හැගුම් විල සසල කල
නුබේ නෙතු පියන් තල
සැලුනාද නොදැනුනිද.......
නොදන්නෙමි සොයන්නෙමි
නුබ ලගම දැවටෙමින්
මගේ සිත මට හොරා
සැගවුනේ කොහේදැයි....



Tuesday, May 27, 2014

අපේ මතකය....


"කෙල්ලො ඕනෑවට වඩා දග වෙන්න හොද නෑ"

ඔයා කිව්වා....

මම අහන් හිටියා,

"හිනාවෙන්න එපා ඔච්චර හයියෙන්"

ඔයා කිව්වා....

මම අහන් හිටියා,

"කොටට අදින්නෙ නෑත්තම් හොදයි"

ඔයා කිව්වා....

මම අහන් හිටියා,

"කොන්ඩෙ කපන්න එපා. එතකොට කොල්ලෙක් වගේනෙ"

ඔයා කිව්වා....

මම අහන් හිටියා,

"මට දෑන් එපා වෙලා"

ඔයා කිව්වා....

මම අහන් හිටියා,

...................................................................

"අලුත් සෙට් එක ආව නේද?"

හ්ම්ම්ම්ම්.........

මන් දෑක්කා......

මොනවද?

මුකුත් නෑ....

මොනවද දෑක්කෙ?

මුකුත් නෑ........

ගෑනුලමයි ටික වෙන්නෑති....

...............................................................................................

"දෙයක් කියන්න තියනව මට"

ඉතින් කියන්න

"අපි ගෑලපෙන්නෙ නෑ කියල ඔයාට හිතෙන්නෙ නෑද්ද?"

මම ප්‍රශ්නයක් අහන්නද

හ්ම්ම්ම්ම්.....

මාව වෙනස් කලේ කවුද කියනවද?

"මම දන්නෙ කොහොමද? ඔයා කොහොමත් හිතුවක්කාරිනෙ."

මට ඕනෙ මගෙ ප්‍රශ්නෙට උත්තරයක්....

"ඔයාට උත්තර දෙන්න මට බෑ... අනික මීට පස්සෙ කොහොමටත් ඔයාගෙ ප්‍රශ්න වලට මන් උත්තර දෙන්නෑ."

හේතුව......

"අපි ගෑලපෙන්නෙ නෑ"

අදද හිතුනෙ.

.........................................................................












සිතට හොරා නුබ හොයන විට නෙත

පාලු මාවත ඈත ඉම තෙක්
කදුලුබොද වී නොපෙනුනා රුව
කහ පාට මල් මාවතේ

සිනා හසරෑලි සමග එක්වී
දසත විසිරුනු මුදු පවන් රෑලි
ඉකිබිදින හඩ මටම ඈසුනා
පාලු වී ගිය ග0 තෙරේ

දෑත් අල්ලා එක්ව ගිය මග
සොයා යද්දී අපේ මතකය
ඉදින් දුටුවා නුබෙ මුවමල
ඈගෙ දෙකොපුල් සිබිද්දී

                      -මම ඔයාගෙම දේදු-

Monday, May 26, 2014

පෙරවදන












සිතුවිලි අකුරු විය
නෙතු කෙවෙනි රිදුම් දී
නිදි නොලද තුන් යම 
හදවතට කතා කල
ඉදින් තව දුර යමු 
නෙතු නොපියවා 
පන්හිදට අවනතව