මමයි නුඹයි...

ප්‍රස්තුතයක් නැති උනාට

නුඹ නුඹම වෙන්න

මට මගේ ලෝකෙ හදාගන්න.......

බලාපොරොත්තුවක සේයා

නැතිවද හෙටවත් උදාවෙන්න...

නුඹ සඳ වගෙයි අහසට,

මං ඉර වගෙයි, හඳට එළිය දෙන

ඇයි අපිට බැරි

මාරු කරගන්න මේ චරිත දෙක...

මං හඳ,

නුඹ ඉර, හඳට එළිය දෙන

එතකොට නුඹ කියාවි,

"අමාවකට තරහයි මම"

එතකොට මාත් කියයි,

"අහස ආදරේ කරන්නෙත් හඳට"

මං දන්නව ඔයා අහනව කියල,

"එතකොට ඉරට මොකද වෙන්නෙ"

ඔක්කොම පැත්තකට දාල මම කියනව,

"නෑ මං අහස - දවල්ට ඉර - රෑට හඳ"

එතකොට ඔයා අහයි මගෙන්,

"ඉරයි - හඳයි එක අහසෙ එකට ඉන්නෙ කොහොමද "

මං දන්නව මට දෙන්න උත්තරයක් නෑ...

ඒ උනාට,

ඇත්තටම අහස

ඉරටයි හඳටයි ආදරෙයි හැමදාම......